القاعدة الأولى في الـ Looksmaxxing

أول قاعدة في الـ Looksmaxxing هي أهم قاعدة.

لازم تدخل دماغك وتصدقها بجد، قبل ما تبدأ أي رحلة تحسين شكلك أو حياتك عمومًا، وقبل ما تعرف تستفيد فعلًا من أي نتيجة توصلها.

والكلام ده مش على الـ Looksmaxxing بس، ده على أي تطوير ذاتي هتعمله طول عمرك.

القاعدة الأولى بتقول:

ما تتكلمش عن إنك بتعمل Looksmaxxing.

يمكن تسأل:

ليه؟

الإجابة بسيطة: الناس، سواء اعترفوا أو لأ، عندهم أفكار وتفضيلات متخزنة في دماغهم غصب عنهم.

تحيزات لا واعية… يعني انحياز داخلي.

طيب خلينا نسأل شوية أسئلة:

ليه المجتمع مهووس دايمًا بـ “العباقرة” والناس اللي باين عليهم موهوبين؟

هل الناس بتحترم اللي تعب طول عمره وذاكر واتعلم عشان يحسن نفسه؟

ولا بتحترم الشخص الغامض اللي كل حاجة عنده باينة سهلة، كأنه اتولد كده؟

هل الناس تحب تسمع عن واحد سهر ليالي طويلة في الكلية عشان يجيب امتياز؟

ولا تحب تسمع عن العيل اللي بينجح من غير ما يحاول؟

هل الناس تعجب بواحد مهتم بالثقافات واللغات وقضى عمره بيتعلم؟

ولا تعجب أكتر بواحد بيعرف يتكلم مع أي حد من وهو عنده 13 سنة؟

الأسئلة دي كلها عشان أوصل لنقطة واحدة: الناس بتحب اللي ناجح وبيبان إن النجاح ده سهل عليه.

الناس بتحب “الطبيعيين”.

الناس بتحب اللي باين إنهم مش بيحاولوا.

للأسف، أغلب الناس عاديين جدًا.

عايشين حياة مملة، بيتعبوا أقصى تعبهم، وفي الآخر أقصى إنجازهم إنهم يفضلوا عايشين وسط الزحمة، ولا حد ملاحظهم.

وعايشين حياة فيها نفس الملل اللي كل يوم بيشوفوه، بيحبوا يقلدوا، ومش قادرين يطلعوا من القطيع، ومفيش حد بيفكر يميزهم.

وفيه ناس تانية بتنجح فعلًا، وتطلع عن القطيع شوية…

بس بيغلطوا غلطة قاتلة: إنهم يحكوا قد إيه تعبوا عشان يوصلوا.

وفيه فئة أصغر: ناس موهوبين طبيعيًا في حاجات معينة، وبيكسروا الدنيا من غير مجهود واضح.

والفئتين الأولانيين بيعشقوا النوع ده من الناس. الطبيعيين. النوابغ.

وبعدين نيجي لآخر فئة… أخطر فئة.

ناس:

تعبت زي الفئة الأولى

ونجحت زي الفئة التانية

واتعاملت اجتماعيًا زي الفئة التالتة

إزاي؟

ببساطة: سكتوا.

الفئة التالتة والفئة الرابعة ليهم نفس القيمة الاجتماعية عند الناس،

لأن الفئة الرابعة اتعلمت فن إنها تقفل بُقّها.

ما تحكيش:

إنت بتشتغل على إيه

أو اشتغلت على إيه

أو تعبت قد إيه

فالناس تشوفك:

ناجح

ثابت

و”طبيعي”

وفي نظرهم: إنت لا تختلف عن الموهوب اللي اتولد كده.

الناس مش عايزة بس واحد شكله حلو أو شاطر،

الناس عايزة واحد شكله حلو وشاطر من غير ما يبان إنه حاول.

عمرك حصل إنك قلت لناس بحماس:

إنك بدأت دايت

أو ناوي تغير حياتك

أو داخل على خطة تطوير ذات؟

وفجأة تلاقي:

تقليل

إحباط

نقد

أو تعامل مختلف؟

ده بسبب التحيز الداخلي ده.

الناس:

بتكره الـ tryhard

بتكره اللي واضح إنه بيجرب

بتكره اللي مش “طبيعي”

الحل؟ ما تتكلمش.

ما تبيّنش: لا صراحة، ولا تلميح، كل الشغل اللي بتعمله على نفسك.

الإيطاليين عندهم كلمة للفكرة دي من حوالي 500 سنة: Sprezzatura

يعني: إهمال محسوب

تعمل مجهود كبير،

بس تخليه باين كأنه ولا حاجة.

الفكرة دي مش بس في اللبس،

دي في:

أسلوب حياتك

مشاعرك

تصرفاتك

قراراتك

وكل حاجة فيك

لما تطبق الـ Sprezzatura في رحلتك ومع حياتك كلها،

الناس تبدأ:

تحترمك

تعجب بيك

وتحس إنك شخص يتمنى يكون زيه

حتى إنت نفسك: تبدأ تصدق إن القوة دي كانت جواك من الأول.

ومع الوقت:

تصرفاتك تتغير

شخصيتك تتعدل

وتبقى فعلًا “طبيعي”

بس الطريق صعب جدًا، وحقيقي مرعب.

إحنا كائنات اجتماعية، بنحب نحكي، بنحب نشتكي، بنحب نشارك.

وفي نفس الوقت: الناس حكمية جدًا. مش بتحب تشوف تعبك، ولا فترات وقوفك، ولا كفاحك.

هم عايزين النتيجة بس.

ودي ازدواجية الإنسان القاسية.

بس لو عايز تبدأ بجد: اسكت.

اشتغل في صمت.

خلي النتيجة هي اللي تتكلم.

وده أهم جزء في أي رحلة Looksmaxxing أو تطوير ذات حقيقي.

(حوده)