القوة هيا مصطلح ينقسم ل ثلاث اقسام القوة بدنيه و قوة قتاليه وقوة اللسان نبدا اولا 

بالقوة البدنيه واللى هيا عضلاتك ك رجل طبيعى انك لما تحط العضله تحت اى ضغط مش شرط جيم العضله بتكبر تحت اى ضغط الجسم بيتعامل مع الوزن العالى على انه تحدى تشيل وزن تقيل لعدد تكرار معين توصل للفشل العضلى فى اللحظه دى الجسم بيقول انا لازم ازيد من قوة وحجم العضله عشان المره الجايه اشيل الوزن اسهل من الاول ف بالتالى تروح البيت تاكل البروتين والسعرات النضيفه مش اى كلام يعنى ولا زيوت ولا اكل دسم عشان كدا هتبوظ اللى انت عملته بعدها تروح ل اهم مرحله وهيا مصنع العضلات والتيست وكل حاجه وهيا النوم نومك ممتاز صحتك هتبقا فى السما وعضلاتك هتكبر وتقوى مع الوقت هتعمل جسم نار دا بالنسبه للقوة البدنيه ، 

، القوة القتاليه وهيا السلاح اللى بتحمله ك شخص او ك رجل مهدد ب اى قتال فى اى وقت سؤالى ليك حاليا لو اتحطيت فى قتال تحت ضغط واسترس عالى تفتكر هيحصل ايه ؟ بالضبط هتتعجن طيب ايه ممكن يحصلك فى القتال عموما فى القتال اما غريزيا هتضْرب ضرب عشوائى ومش محسوب و اما هتتجمد وساعتها هتتعجن برضو الحل ايه برضو انك تتعلم اى فن قتالى انا عن نفسى افضل الmma افضل رياضه قتاليه هتخليك تتعامل مع الخصوم سواء واقف او قتال ارضى طيب ايه اللى بيحصل جوا جسمك لما تتلعم فن قتالى اللى بيحصل ب اختصار شديد ان فى جهازك العصبى اسلاك اسلاك كتير متلخبطه ومتربطه فى بعض دا هنسميه النظام الدفاعى الغريزى مش محسوب ولا مترتب طيب لما تبدا تتعلم mma لمدة سنه الى سنه ونص طبعا بتدريب قوى الاسلاك دى بقا هيحصلها ايه ؟ بالضبط الاسلاك دى هتترتب وهتتشد اكنها اتنظمت بالضبط اللى هيحصلك وقت القتال الحقيقى الضغط والاسترس هيكون اقل بكتير من الشخص العادى لانك متعود تدخل سبارينغ وخوضت نزالات كتير وحتا يا سيدى لو اتلخبطت اثناء القتال كل اللى هيطلع منك هو اللى اتبرمج عليه عقلك وجهازك العصبى اللى هو الmma هيطلع بدون اى تفكير لانك تدربت على القتال خلاص ، ممتاز دا بالنسبه للقوة القتاليه ننتقل لقوة اللسان ،

 يعنى اى قوة اللسان يعنى هيا قوة تخليك تطلع من اى موقف او تقلل خسائر اى شى او حتا تكسب صفقات وتفرض شخصيتك على اتخن تخين طيب ازاى يبقا عندك قوة لسان ؟ بص انت حرفيا ولا هتقرا كتاب ولا هتسمع فيديوهات ولا اى حاجه انت هتنزل الشارع وترمى السلام على اى حد حرفيا تلاقيه قدامك الاسبوع التانى زود الليفل روح لشخص واطلب منه مساعده بسيطه جدا بحيث يساعدك سواء ماديا او جسديا فى انه يشيل عنك حاجه او يساعدك فى حاجه القصه كلها مش فى مساعده القصه كلها انك داخل عقلك تقدر بلسانك تحرك شخص وتخليه يعمل اللى انت بتقول عليه فى الاسبوع الثالث ارمى نفسك فى مواقف صعبه جدا زى انك تحط نفسك وسط شله فيهم واحد بس صاحبك والباقى متعرفهمش وقولهم على موقف من دماغك تكون درسته كويس جدا عارف انك هتحس ب استرتس عالى وممكن تتلخبط فى الكلام بس مش مشكله كدا كدا الشله دى هتقابلهم مره فى حياتك وهتنساهم وهما اصلا بعد القعده هينسو انت قولت اى ، طيب نفهم بقا السترس دا بيحصل ازاى و ليه اولا لما تحس وتشوف قدام عينك ان الموقف غريب او فى حاجه غلط علطول عقلك بيؤمر كليتك تفرز هرمونين الادرينالين والكورتيزول ودول اللى هيخلوك تحس ب احراج لكن دا داخليا اللى بيحصل خارجيا ان محدش بيشوف العمليه دى وحرفيا انت لو كنت متوتر وتعاملت بثقه صدقنى مستحيل حد يشك ولا واحد فى الميه انك متوتر حاليا ، ف عشان تكسر حاجز التوتر اعرف ان الناس بتشوف الظاهر لو بينت انك شخص مهم جدا وصاحب كاريزما الناس هتشترى ولو عملت العكس الناس هتشترى برضو وبس امشى على هذا الاساس وهتلاقى نفسك تلقائيا مفيش حاجه تقدر تسيطر على تفكيرك او حتا طريقة تعاملك وحركات جسدك وبهذا الاساس هتكون ثقه شيطانيه بالنفس وبالتالى طريقة كلامك هتبان جريئه ومفيهاش اى نوع من التوتر وهتقدر ترد على اى شخص يحاول يقلل منك وهتعرف تكسر المتنمر ، 

كدا تمام جدا ادمج ال ثلاث قوى دول مع بعض وبعدها ب سنه او سنتين من الاستمرار عليهم انت اللى هتدعى ربنا ان شخص يعمل معاك مشكله وساعتها هتبقا مرحب ب اى مواجهه سواء قتاليه ف انت لاعب mma او كلاميه ف انت عندك قوة لسان وساعتها هتبقا الشخص اللى بتتمناه ، قوى فى اى وقت وتحت اى ظرف 

كان معاكم عبدو وشكرا