الأسكوريلنج الكتير او ال Endless scrolling
واحد من اكبر الأسباب اللي بيقلل انتاجيتك بشدة كبيرة و بيزود كسلك فشخ
ليه؟
مخك معمول انو يركز علي حاجة واحدة لفترة
ف انت بتعمل فيه ايه بقا؟
انت بتدخلو كذا مشاعر و دوبامين زائف عن طريق فيديوهات قصيرة كل فيديو ليها مختلف المحتوي و ده بيسبب تشتيت كبير فشخ و المخ بيتعود علسرعة و بتبقي بتمل فشخ من اي فيديو بيعدي ال 5 دقايق بحد اقصي
و مع الوقت التركيز العميق بيبتدي يختفي
ثانيا بيزود كسلك بنسبة كبيرة
ازاي؟
بيسبب ارهاق عصبي كبير بدون مجهود اساسا
و الأسكورلينج بيديك دوبامين سريع بدون اي تعب
فلمخ يقولك انا ليه اعمل المجهود ده؟ ما انا كده كده واخد دوباميني و ف حالة استكفاء
ف علشان كده اي نشاط بيبان تقيل فشخ و ممل
ثالثا بيقلل الأنتاجية
ازاي؟
انت مستهلك طاقتك النفسية و الذهنية في لا شيء حرفيا
و مخك طول الوقت فوضع رد فعل من الفيديوهات و المحتوي السريع اللي بتشوفه
ف مخك مش عارف و مش لاقي وقت ياخد وضع فعل اصلا
فهتلاقي نفسك انت عايز تعمل حاجات كتير اوي بس مرة واحدة يومك خلص و مش فاكر اي حاجة الا انك كنت ماسك التلفون حتي تفاصيل يومك هتلاقي نفسك مش فاكرها بسبب التشتيت
فبيخليك فحالة احباط و لوم نفس و الخ
و هتصحي تاني يوم تعيد نفس الكلام بسبب انك مدمن و لفي بينا يا دنيا
Summary
الأسكوريلنج بيقلل صبرك و تركيزك بشدة
بيخليك عايز نتيجة فورية لكل حاجة
بيخلي اي طريق طويلة قدامك زي مذاكرة لكلية علمية تبان مستحيلة
الحل بقا نعمل اي لو انت مدمن خلاص و مش قادر تبطل سكورلينج؟
مش هقولك اقفل سوشيال و امسح كذا و كذا
ده كلام فاضي ما مسيرك تنزلهم تاني بسبب انك زهقان
الحل فعلا انك تحط وقت معين للأسكوريلنج
و ميكونش اول ما تصحي ولا قبل ما تنام ولا قبل ما تذاكر
و ميزيدش عن ساعة
حاول تظبط نفسك، هيبقي ايه الفرق و بينك و بين الحيوان الغبي لو انت مبتعرفش تتحكم فشهواتك؟
قبل المذاكرة سيب الموبايل بعيد عنك اوي ف اوضة تانية او انزل ذاكر فحتة برا البيت
ابتدي درب تركيزك
20 دقيقة تركيز و 5 دقايق تأمل بدون ما تمسك الفون
(فحالة المذاكرة)
متبيعش دقيقة من تركيزك مقابل ولا حاجة الا دوبامين كداب
بطل علوقية و خليك صياد
